गूगल कीप हा चांगला पर्याय !

 आजकाल जीवन फार धावपळीचे झाले आहे. ऑनलाईन काम करण्याचे काही फायदे असले तरी तोटेही कमी नाहीत. कोविड काळामध्ये अनेकांना बारा-बारा तास काम करावे लागले. ९ ते ५ अथवा १० ते ६ अशा निश्चित वेळा कधीच इतिहासजमा झाल्या. कार्यालयीन कामाबरोबरच प्रत्येकाला खासगी आयुष्य असते. कार्यालयीन काम आणि खासगी कामे याचा मेल घालताना अनेकांच्या नाकीनऊ येतात. अशा वेळेस वेळेचे नियोजन, करायच्या असलेल्या कामाचे दिवसानुरूप नियोजन या गोष्टी महत्वाच्या ठरतात. त्यासाठी गूगल कीप या जीमेल वापरकर्त्यांना फुकटात उपलब्ध असणाऱ्या अँपचा वापर करायलाच हवा.

डेस्कटॉप अथवा लॅपटॉपवर जीमेल उघडले असेल तर उजव्या बाजूला कॅलेंडर, कीप, टास्क आणि कॉन्टॅक्टस याची अँप दिसतील. त्यातील कीप ओपन करा. ओपन केल्यावर असे दिसेल.

मग खाली उजव्या बाजूला चौकोनात टिकमार्क असलेले जे चिन्ह आहे त्यावर क्लिक करा. हे चिन्ह चेकलिस्ट तयार करण्याचे आहे.

तुम्हाला आज अथवा आठवडाभरात कायकाय काम करायची आहेत त्याची यादी तयार करा. काही वेळेस कार्यालयीन कामाच्या गडबडीत सगळी कामे एकदम आठवत नाहीत. जशी आठवतील तशी इथे लिस्टमध्ये टाकत जा. नोंदवलेले काम झाले की त्या कामाच्या डाव्या बाजूच्या चौकोनावर टॅप करा. ते काम खाली Done लिस्टमध्ये आपोआप जाईल. म्हणजे काय कामे करायची आहेत आणि काय झाली आहेत, ते एकदम कळेल. नमुन्यादाखल एक लिस्ट तयार करून देत आहे.

 

मोबाईलवर गूगल कीप वापरात असाल तर हीच सारी प्रक्रिया करावी लागेल. किंबहुना मोबाईलवर अँप असलेले अधिक चांगले, पटकन एन्ट्री करता येते.

पूर्वी मी Evernote वापरत असे, पान आता ते वापरणे बंद केले आहे. या कंपनीची विक्री झाल्यावर मी ते वापरणे बंद केले. Evernote इतक्या सोयी त्यात नसल्या तरी 'गूगल कीप' वापरायला अगदी उपयुक्त आहे, हे नक्की.

 

गूगल कीप नक्की वापरुन बघा !