नेटभेट

सध्या ट्विटरची चिमणी वादळात सापडली आहे. शेकडो लोकांनी ज्या ट्विटरसाठी काम केले, त्याला नावारूपास आणले त्यांना एका मिनिटात नोकरीवरून काढून टाकले आहे. त्यांची काही चूक नसताना. कोणताही उद्योजक एखादी नवी कंपनी विकत घेतो तेव्हा खर्च कमी करण्यासाठी कर्मचाऱ्यांना कमी करतो, काही वेळा वेतनात कपात करतो, तो त्याला अधिकारही असतो. पण एलोन मस्क यांनी ज्या प्रकारे संपूर्ण डिपार्टमेंट / विभाग एका क्षणात घरी पाठवले ते अत्यंत धक्कादायक आहे. या सर्वाना लवकरच दुसरी नोकरी मिळेल अशी शक्यता सध्याची परिस्थिती पाहता नाहीच. भविष्यात आणखी काय होईल हे सांगणे कठीण आहे. ज्या कर्मचाऱ्यांची नोकरी शाबूत राहिली आहे त्यांच्या डोक्यावरही कायमची चिंता असेल. ते अशा परिस्थितीत कसे काम करू शकतील? असो. मस्क यांनी कंपनी ताब्यात घेतल्यावर अनेक लोक ट्विटरवरून कायमचे लॉगऑऊट झाले. ज्या ब्लु टिक मुळे आपल्या ट्विटर खात्याला अधिकृतता येते, त्यासाठीही पैसे मोजावे लागणार हे लक्षात आल्यावर आणखी काही या प्लॅटफॉर्मवरून बाहेर पडले असल्याची शक्यता आहे. तुम्हीही ट्विटर सोडण्याचा विचार करताय का ? निर्णय तुमचा आहे, पण सोडणार असाल तर सगळा डेटा ...

  माझा एक माजी सहकारी पहाटे पाचपासून ट्विट करायला सुरुवात करतो, तेव्हा मला थोडे आश्चर्य वाटले होते. इतक्या सकाळी ऑनलाईन होऊन ट्विटर वापरायला सुरुवात करायचे हे कशासाठी, हा प्रश्न पडला होता.  मग लक्षात आले. ट्विटरने ट्विट Schedule करण्याची सुविधा उपलब्ध करून दिली आहे. आपल्याला ट्विट करताना तो काही तासानंतर अथवा दिवसानंतर प्रत्यक्ष ट्विट व्हावा, अशी सोय आतापर्यंत नव्हती. दुसरे अँप वापरून हे शक्य होत होते, पण ट्विटरअंतर्गत सोय नव्हती.  काही महिन्यांपूर्वी ट्विटरने वेब अँपवर ती उपलब्ध करून दिली आहे. असे ट्विट Schedule करण्यासाठी काय कराल ? वेबवर ट्विटर ओपन करून ट्विट टाईप करा. नंतर खाली एकदम उजव्या बाजूला असलेल्या कॅलेंडर व छोट्या घड्याळ्याच्या  चिन्हावर क्लिक करून हा ट्विट कधी पाठवायचा आहे त्याचे सेटिंग करा. तो ट्विट त्या दिवशी व त्या वेळेला ट्विट होईल. आणि हे Schedule किती काळपर्यंत उपलब्ध आहे? तब्बल तीन वर्षांचे ! म्हणजे आज तुम्ही २०२४मधील ट्विटसुद्धा Schedule करू शकता. हे फारच झाले. ज्या व्यक्तींना एकदोन दिवसानंतर अथवा आठवड्यानंतर ट्विट Schedule करायचे ...