Trash मधून डिलीट केलेले मेल मिळवा परत

 जीमेल, आऊटलूक आणि याहू या तीन मेलसेवांपैकी जीमेल सर्वात जास्त लोकप्रिय आहे. कार्यालयीन कामांसाठी अथवा वैयक्तिक कामासाठीही या जीमेलचा वापर होतो. ज्यांना वेगवेगळ्या कारणांमुळे भरपूर मेल येतात, त्यांना ते रोज बघून त्यावर काम करणे शक्य असतेच असे नाही. मग वेळ असेल तेव्हा मेल बघायचे, delete करायचे अथवा गरजेप्रमाणे कृती करायची असे बरेच लोक करतात. या गडबडीत एखादा महत्वाचा मेल चुकून delete होऊ शकतो. ते वेळीच लक्षात आले तर Trash किंवा Bin फोल्डरमध्ये जाऊन आपण तो मेल परत मिळवू शकतो. (जे मेल हवे असतील ते सिलेक्ट करून Restore to Inbox केले की झाले.) पण Trash मधूनही delete झाले असले तर ? म्हणजे आपण Delete forever वर क्लिक केले असले तर ?

मेल Trash मधूनही Delete केले असले तर ते परत मिळणार नाहीत, असे गूगल म्हणत असले तरी गूगलनेच आपल्याला एक संधी दिली आहे. अगदी एका मिनिटात हे मेल परत मिळवता येतात. कसे? तुम्ही वापरत असलेला ब्राउझर ओपन करा. तिथे Support.Google.com असे टाइप करा. मग पुढील पेज ओपन होईल.

गूगलची वेगवेगळी अँप तिथे दिसतील. त्यातले जीमेल निवड. मग How Can We Help you असे लिहिले आहे तिथे Recovering emails असे टाईप करा. नंतर थोडे खाली जाऊन Gmail Message Recovery Tool.असा पर्याय दिसेल. त्यावर क्लिक करा.

इथे तुम्हाला तुमच्या गूगल अकाउंटवर लॉगिन करावे लागेल. ते केल्यावर पुढील पर्याय दिसेल.

नंतर शेवटी Continue बटनावर क्लिक करा. एका मिनिटात तुम्ही मागच्या ३० दिवसांत Trash मधूनही Delete केलेले मेल पुन्हा तुमच्या इनबॉक्समध्ये येऊन पडतील.


या प्रक्रियेत दोन गोष्टी लक्षात घ्यायला हव्यात. एक म्हणजे मागच्या ३० दिवसांतलेच मेल पुन्हा मिळवता येतात. दुसरी गोष्ट म्हणजे दिलेले केलेले सगळेच्या सगळे मेल परत इनबॉक्समध्ये येतात. ही बाब थोडी अडचणीची ठरू शकते. समजा, तुम्ही मागच्या ३० दिवसांत ५०० मेल Delete केले आहेत आणि त्यातले फक्त दहा मेल तुम्हाला परत हवे आहेत तर हे दहाच मेल मिळविण्याची सोय नाही. सगळे ५०० परत येतील. म्हणजे त्यातले ४९० पुन्हा Delete करणे आले. यावरही आपण सोपा उपाय करू शकतो.

वरील सारी प्रक्रिया सुरु करण्यापूर्वी एक काम करा. इनॉक्समध्ये असलेले सारे मेल काही काळासाठी एक नवा फोल्डर तयार करून त्यात हलवा. म्हणजे इनबॉक्स रिकामा राहील. मग वरील प्रक्रिया करून दिलेले केलेले मेल परत मिळवा. म्हणजे आता इनबॉक्समध्ये ५०० मेल असतील. (हा आकडा उदाहरण म्हणून दिला आहे, प्रत्येकासाठी हा आकडा वेगळा असू शकेल). या ५०० मधील हवे असलेले दहा मेल ठेवून बाकीचे Delete करा. म्हणजे आता इनबॉक्समध्ये दहाच मेल उरतील. आता मूळ इनबॉक्समधील मेल ज्या फोल्डरमध्ये आपण हलवले होते तो फोल्डर उघडून सगळे मेल सिलेक्ट करा आणि Move To inbox वर क्लिक करा. सगळे मेल इनबॉक्समध्ये हजर होतील.विषय संपला ! काही वेळा लोक chrome ब्राउझरमध्ये कायमचे लॉगिन करून ठेवतात. त्यांना वेगळे अकाउंट लॉगिन करण्याची गरज नाही.

अर्थात गुगलने ही सुविधा दिली असली तरी आपण मेल Delete करताना काळजी घ्यायला हवी हा मुद्दा महत्वाचा आहेच ! तुम्ही वर दिलेली प्रक्रिया केलीच तर मला जरूर अनुभव कळवा !

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ऐतिहासिक निकाल

इमेज
  अखेर पाच राज्यांच्या विधानसभा निवडणुकीचे निकाल लागले. उत्तर प्रदेश, पंजाब, मणिपूर, उत्तराखंड, गोवा या राज्यांच्या निवडणुकांकडे २०२४च्या लोकसभा निवडणुकीची रंगीत तालीम म्हणून पाहिले जात होते. यात पंजाब सोडून बाकी सर्व राज्ये भारतीय जनता पक्षाने जिंकली आहेत. अजून अंतिम आकडेवारी आली नसली तरी उत्तर प्रदेशात  भाजपने जवळपास ५० जागा  गमावल्या आहेत. पंजाबमध्ये भाजपला आधी तीनच जागा होत्या, त्यातली एक कमी झाली आहे. शेतकरी आंदोलनामुळे पंजाबमध्ये भाजपला यश मिळणे मुळातच कठीण हते. पंतप्रधानांनी पंजाबची निवडणूक डोळ्यासमोर ठेवून शेतकऱ्यांनी आक्षेप घेतलेले वादग्रस्त कायदे मागे घेतले खरे, परंतु त्याचा काहीही फायदा भाजपाला  झालेला नाही. गोव्यात मात्र सात जास्त जागा मिळवून भाजप सत्तेच्या जवळ आले आहे.     उत्तर प्रदेशातला विजय भाजपसाठी स्वागतार्ह असला तरी २०१७चे चित्र बदलले आहे, अखिलेश सिंग यांनी सव्वाशेच्या आसपास जागा मिळवल्या आहेत, बहुजन समाज पक्ष आणि काँग्रेस हे पक्ष नावालाच उरले आहेत. ही बदलती परिस्थिती भाजपने लक्षात घ्यायला हवी आणि आधीच्या चुका टाळायला हव्यात. १९८५ नंतर प...
अधिक वाचा

आरोग्य अधिक जपायला हवे !

इमेज
  को णत्याही अर्थसंकल्पाने प्रत्येकाचे समाधान होणे अशक्य असते हे एकदा समजून घेतले की राज्याच्या आणि देशाच्या अर्थसंकल्पाकडे पाहणे सोपे जाते. अर्थसंकल्प तयार करताना अर्थमंत्री / मुख्यमंत्र्याना पूर्ण राज्याचा विचार करावा लागतो. म्हणूनच प्रत्येक घटकाकडे पुरेसे लक्ष देणे शक्य नसते. असे असले तरी काही बाबी खटकतातच. शुक्रवारी महाराष्ट्राचे अर्थमंत्री अजितदादा पवार यांनी राज्याचा अर्थसंकल्प सादर केला. त्यानंतर आलेल्या प्रतिक्रियाही अशाच प्रकारच्या होत्या. अर्थसंकल्पात कायकाय योजना आहेत, त्यासाठी किती खर्च होणार आहे हे अर्थमंत्र्यांनी सांगितले असले तरी आधीच्या योजनांवरील अंमलबजावणी आणि झालेला कमी /जास्त खर्च याचाही आढावा सविस्तरपणे हवा होता. [caption id="attachment_3432" align="alignright" width="1448"] चित्र - सुमंत बिवलकर[/caption] ज्या विभागाबाबत अधिक चर्चा व्हायला हवी, तो विभाग म्हणजे आरोग्य विभाग. कोरोना आल्यावर आपल्या वैद्यकीय क्षेत्रातील त्रुटी अधिक ठळकपणे दिसल्या. प्रमुख शहरांमधील निवडक खासगी आणि सरकारी रुग्णालये कोरोनाशी दोन हात करण्यासाठी काहीशी सज्ज हो...
अधिक वाचा

पहिल्या पानावरच्या लताबाई ...

इमेज
 महाराष्ट्र टाइम्स, लोकसत्ता, सकाळ आणि लोकमत यांनी लता मंगेशकर यांच्या निधनाचे वृत्तांकन पहिल्या पानावर कसे केले हे इथे मुद्दाम शेअर करत आहे. सर्वानी पूर्ण अंकात भरपूर मजकूर दिला आहे. सर्वच अंक वेगवेगळ्या अर्थाने संग्रही  ठेवण्यासारखे झाले आहेत. 'मटा'च्या पहिल्या पानावर रोहन पोरे या अत्यंत गुणी माणसाने काढलेले लतादीदींच्या चित्र लक्ष वेधूनच घेते असे नाही, तर कायम स्मरणात राहते. 'सकाळ'मध्ये राम देशमुख यांनी लताबाईंचे चित्र काढले आहे.  (07/02/2022)
अधिक वाचा