ChatGPT शिका, नोकरी मिळवा !

 सध्या तंत्रज्ञान क्षेत्रात ChatGPT आणि AI हे शब्द इतके रुजले आहेत की याशिवाय इंटरनेट वापरणे हा गुन्हा आहे की काय असे वाटू लागले आहे. या ChatGPT मुळे नेमका काय परिणाम होईल, किती नोकऱ्या जातील अथवा निर्माण होतील हे अजून पुरेसे स्पष्ट झालेले नाही. ChatGPT हे नवीन आहे आणि अनेक सोयी आहेत हे खरे असले तरी सर्व काही या तंत्रज्ञानावर सोपवून मोकळे व्हायचे की स्वतः काही विचार करून लेखन करायचे याचाही निर्णय करावा लागेल. आयते मिळणारे सगळेच काही चांगले नसते हे लक्षात ठेवलेले बरे !

नोकरी मिळण्यासाठी प्रत्येक क्षेत्रानुसार, पदानुसार, गरजेनुसार शैक्षणिक वा कामाची पात्रता लागते. आधीच नवीन नोकरी मिळविण्यात अडचण आणि त्यात कंपन्यांच्या वेगवेगळ्या अपेक्षा पाहिल्या तर भविष्यकाळात नोकरी मिळवणे किती कठीण जाणार आहे, हे लक्षात येते. जपानमधल्या एका कंपनीचे उदाहरण लक्षात घ्या. टोकियो शहरात काम करणाऱ्या LayerX Inc. या कंपनीने जाहीर केले आहे की नोकरीसाठी उत्सुक असाल तर तुम्हाला ChatGPT टाळून चालणार नाही. ChatGPT संदर्भात परीक्षा द्यावी लागेल, OpenAI Inc., आणि Notion AI. यांनी तयार केलेल्या ChatGPT वर काम करता आले पाहिजे. हे करत असाल तरच नोकरीसाठी अर्ज करा. ही कंपनी Digitizing Business Transactions या प्रकारात काम करते. कंपनीच्या या अटीनंतर किती तरुणांनी / तरुणींनी अर्ज केले हे कळले नाही.

जगातील बऱ्याच बँकांनी ChatGPT चा वापर अत्यंत मर्यादित पद्धतीने करण्याचे ठरवले आहे. न्यूयॉर्क मधील शाळांनी तर ChatGPT वापरण्यावर पूर्ण बंदी घातली आहे. जपानमधील अनेक अर्थसंस्थांनी त्यावर बंदी घातली आहे किंवा त्याचा मर्यादित वापर करण्याचे ठरवले आहे. अशा वेळेस वर उल्लेखलेल्या कंपनीने ChatGPT अत्यावश्यक केले आहे. दोन दिवसांपूर्वी OpenAI Inc. ने GPT -४ लाँच केले आहे. त्यात नेमक्या काय सुधारणा आहेत हे लक्षात यायचे आहे. जसजशी त्यात सुधारणा होईल तसतसे आपले त्यावर अवलंबून राहणे वाढणार आहे. हे लक्षात येईपर्यंत खूप उशीर झालेला असेल.

कोणत्याही तंत्रज्ञानात सतत सुधारणा होत असतात आणि ते आवश्यकही आहे. नवीन तंत्रज्ञान आहे म्हणून ते नाकारायचे असे करून चालणार नाही अथवा त्यावर पूर्णतः अवलंबून राहणेही परवडणारे नाही. कुठेतरी सुवर्णमध्य काढायला हवा.

जपानमधील कंपनीने सुरुवात केलीच आहे, आता जगातील अन्य कंपन्यांनीही ChatGPT वर काम करणे 'मस्ट' केले तर नोकरीत असणाऱ्या अथवा नोकरी मागू इच्छिणाऱ्याला स्वतःची स्किल्स किती upgrade करावी लागतील याचा विचार प्रत्येकाने केलेला बरा ! या जपानी कंपनीचे मुख्य HR अधिकारी म्हणतात की, ChatGPT हे अचूक नाही, याची आम्हालाही कल्पना आहे. परंतु असे नवे तंत्रज्ञान अजिबात न वापरण्याचा अतिघाबरटपणा केल्यास ते अत्यंत धोकादायक ठरू शकेल.

ChatGPT सफाईने वापरणारे २० कर्मचारी दरवर्षी घेतले जातील, असे या कंपनीने जाहीर केले आहे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ऐतिहासिक निकाल

इमेज
  अखेर पाच राज्यांच्या विधानसभा निवडणुकीचे निकाल लागले. उत्तर प्रदेश, पंजाब, मणिपूर, उत्तराखंड, गोवा या राज्यांच्या निवडणुकांकडे २०२४च्या लोकसभा निवडणुकीची रंगीत तालीम म्हणून पाहिले जात होते. यात पंजाब सोडून बाकी सर्व राज्ये भारतीय जनता पक्षाने जिंकली आहेत. अजून अंतिम आकडेवारी आली नसली तरी उत्तर प्रदेशात  भाजपने जवळपास ५० जागा  गमावल्या आहेत. पंजाबमध्ये भाजपला आधी तीनच जागा होत्या, त्यातली एक कमी झाली आहे. शेतकरी आंदोलनामुळे पंजाबमध्ये भाजपला यश मिळणे मुळातच कठीण हते. पंतप्रधानांनी पंजाबची निवडणूक डोळ्यासमोर ठेवून शेतकऱ्यांनी आक्षेप घेतलेले वादग्रस्त कायदे मागे घेतले खरे, परंतु त्याचा काहीही फायदा भाजपाला  झालेला नाही. गोव्यात मात्र सात जास्त जागा मिळवून भाजप सत्तेच्या जवळ आले आहे.     उत्तर प्रदेशातला विजय भाजपसाठी स्वागतार्ह असला तरी २०१७चे चित्र बदलले आहे, अखिलेश सिंग यांनी सव्वाशेच्या आसपास जागा मिळवल्या आहेत, बहुजन समाज पक्ष आणि काँग्रेस हे पक्ष नावालाच उरले आहेत. ही बदलती परिस्थिती भाजपने लक्षात घ्यायला हवी आणि आधीच्या चुका टाळायला हव्यात. १९८५ नंतर प...
अधिक वाचा

आरोग्य अधिक जपायला हवे !

इमेज
  को णत्याही अर्थसंकल्पाने प्रत्येकाचे समाधान होणे अशक्य असते हे एकदा समजून घेतले की राज्याच्या आणि देशाच्या अर्थसंकल्पाकडे पाहणे सोपे जाते. अर्थसंकल्प तयार करताना अर्थमंत्री / मुख्यमंत्र्याना पूर्ण राज्याचा विचार करावा लागतो. म्हणूनच प्रत्येक घटकाकडे पुरेसे लक्ष देणे शक्य नसते. असे असले तरी काही बाबी खटकतातच. शुक्रवारी महाराष्ट्राचे अर्थमंत्री अजितदादा पवार यांनी राज्याचा अर्थसंकल्प सादर केला. त्यानंतर आलेल्या प्रतिक्रियाही अशाच प्रकारच्या होत्या. अर्थसंकल्पात कायकाय योजना आहेत, त्यासाठी किती खर्च होणार आहे हे अर्थमंत्र्यांनी सांगितले असले तरी आधीच्या योजनांवरील अंमलबजावणी आणि झालेला कमी /जास्त खर्च याचाही आढावा सविस्तरपणे हवा होता. [caption id="attachment_3432" align="alignright" width="1448"] चित्र - सुमंत बिवलकर[/caption] ज्या विभागाबाबत अधिक चर्चा व्हायला हवी, तो विभाग म्हणजे आरोग्य विभाग. कोरोना आल्यावर आपल्या वैद्यकीय क्षेत्रातील त्रुटी अधिक ठळकपणे दिसल्या. प्रमुख शहरांमधील निवडक खासगी आणि सरकारी रुग्णालये कोरोनाशी दोन हात करण्यासाठी काहीशी सज्ज हो...
अधिक वाचा

पहिल्या पानावरच्या लताबाई ...

इमेज
 महाराष्ट्र टाइम्स, लोकसत्ता, सकाळ आणि लोकमत यांनी लता मंगेशकर यांच्या निधनाचे वृत्तांकन पहिल्या पानावर कसे केले हे इथे मुद्दाम शेअर करत आहे. सर्वानी पूर्ण अंकात भरपूर मजकूर दिला आहे. सर्वच अंक वेगवेगळ्या अर्थाने संग्रही  ठेवण्यासारखे झाले आहेत. 'मटा'च्या पहिल्या पानावर रोहन पोरे या अत्यंत गुणी माणसाने काढलेले लतादीदींच्या चित्र लक्ष वेधूनच घेते असे नाही, तर कायम स्मरणात राहते. 'सकाळ'मध्ये राम देशमुख यांनी लताबाईंचे चित्र काढले आहे.  (07/02/2022)
अधिक वाचा