तंत्र-वृत्त

 नेटफ्लिक्सची सेवा सध्या १९० देशांमध्ये आहे. काही वर्षांपूर्वीपर्यंत त्यांना कोणी तगडा प्रतिस्पर्धी नव्हता. पण आता ऍमेझॉन, HBO , डिस्ने यांसारखे प्रतिस्पर्धी आहेत. गेल्या वर्षी नेटफ्लिक्सच्या दर्शकांमध्ये घट झाली होती, २०२३मध्ये पुन्हा प्रेक्षक आपल्याकडे येत आहेत असा दावा नेटफ्लिक्सने केला आहे. पासवर्ड शेअरिंग बंद केल्यावर यात किती फरक पडतो ते पाहावे लागेल. कदाचित यावरच मार्ग म्हणून नेटफ्लिक्सने ३० देशांमधील आपले वर्गणीचे दर कमी केले आहेत. त्यात ब्रिटन, अमेरिका, भारत हे मात्र नाहीत. मलेशिया , इंडोनेशिया, थायलंड, फिलिपिन्स, क्रोएशिया, व्हेनेझुएला, इराण, केनिया हे देश आहेत. या साऱ्या देशांमध्ये नवीन ग्राहक मिळावेत आणि आधीपासून असलेले टिकून राहावेत हा हेतू आहे.

........................

माजमाध्यमांवर आपण एकदा पाठवलेला मेसेज दुरुस्त करण्याची सुविधा उपलब्ध झाली तर? आयफोनवर जे लोक iMessage वापरतात त्यांना ही सुविधा उपलब्ध आहे. मेसेज पाठवल्यावर दुरुस्त करता येतो, आधीची चूक सुधारता येते. आता Whatsapp ही सुविधा सगळ्यांना उपलब्ध करून देण्याच्या विचारात आहे, एवढेच नव्हे तर Whatsapp चा TestFlight beta प्रोग्रॅम वापरणाऱ्यांना ही सुविधा उपलब्ध करून देण्यात आली आहे, असे वृत्त WABetaInfo ने दिले आहे.

.................

इंस्टाग्रामचे सहसंस्थापक Kevin Systrom आणि Mike Krieger यांनी बातम्यांना वाहिलेले Artifact नावाचे अँप तयार केले आहे. विविध ठिकाणांहून या बातम्या घेतल्या जातील असे दिसते. अँपमध्ये AI म्हणजेच कृत्रिम बुद्धिमत्तेचा वापर केला जाईल आणि तुम्हाला हव्या त्याच टॉपिकच्या बातम्या दिसतील अशी सुविधा मिळेल अशी बातमी प्रसिद्ध झाली आहे.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ऐतिहासिक निकाल

इमेज
  अखेर पाच राज्यांच्या विधानसभा निवडणुकीचे निकाल लागले. उत्तर प्रदेश, पंजाब, मणिपूर, उत्तराखंड, गोवा या राज्यांच्या निवडणुकांकडे २०२४च्या लोकसभा निवडणुकीची रंगीत तालीम म्हणून पाहिले जात होते. यात पंजाब सोडून बाकी सर्व राज्ये भारतीय जनता पक्षाने जिंकली आहेत. अजून अंतिम आकडेवारी आली नसली तरी उत्तर प्रदेशात  भाजपने जवळपास ५० जागा  गमावल्या आहेत. पंजाबमध्ये भाजपला आधी तीनच जागा होत्या, त्यातली एक कमी झाली आहे. शेतकरी आंदोलनामुळे पंजाबमध्ये भाजपला यश मिळणे मुळातच कठीण हते. पंतप्रधानांनी पंजाबची निवडणूक डोळ्यासमोर ठेवून शेतकऱ्यांनी आक्षेप घेतलेले वादग्रस्त कायदे मागे घेतले खरे, परंतु त्याचा काहीही फायदा भाजपाला  झालेला नाही. गोव्यात मात्र सात जास्त जागा मिळवून भाजप सत्तेच्या जवळ आले आहे.     उत्तर प्रदेशातला विजय भाजपसाठी स्वागतार्ह असला तरी २०१७चे चित्र बदलले आहे, अखिलेश सिंग यांनी सव्वाशेच्या आसपास जागा मिळवल्या आहेत, बहुजन समाज पक्ष आणि काँग्रेस हे पक्ष नावालाच उरले आहेत. ही बदलती परिस्थिती भाजपने लक्षात घ्यायला हवी आणि आधीच्या चुका टाळायला हव्यात. १९८५ नंतर प...
अधिक वाचा

आरोग्य अधिक जपायला हवे !

इमेज
  को णत्याही अर्थसंकल्पाने प्रत्येकाचे समाधान होणे अशक्य असते हे एकदा समजून घेतले की राज्याच्या आणि देशाच्या अर्थसंकल्पाकडे पाहणे सोपे जाते. अर्थसंकल्प तयार करताना अर्थमंत्री / मुख्यमंत्र्याना पूर्ण राज्याचा विचार करावा लागतो. म्हणूनच प्रत्येक घटकाकडे पुरेसे लक्ष देणे शक्य नसते. असे असले तरी काही बाबी खटकतातच. शुक्रवारी महाराष्ट्राचे अर्थमंत्री अजितदादा पवार यांनी राज्याचा अर्थसंकल्प सादर केला. त्यानंतर आलेल्या प्रतिक्रियाही अशाच प्रकारच्या होत्या. अर्थसंकल्पात कायकाय योजना आहेत, त्यासाठी किती खर्च होणार आहे हे अर्थमंत्र्यांनी सांगितले असले तरी आधीच्या योजनांवरील अंमलबजावणी आणि झालेला कमी /जास्त खर्च याचाही आढावा सविस्तरपणे हवा होता. [caption id="attachment_3432" align="alignright" width="1448"] चित्र - सुमंत बिवलकर[/caption] ज्या विभागाबाबत अधिक चर्चा व्हायला हवी, तो विभाग म्हणजे आरोग्य विभाग. कोरोना आल्यावर आपल्या वैद्यकीय क्षेत्रातील त्रुटी अधिक ठळकपणे दिसल्या. प्रमुख शहरांमधील निवडक खासगी आणि सरकारी रुग्णालये कोरोनाशी दोन हात करण्यासाठी काहीशी सज्ज हो...
अधिक वाचा

पहिल्या पानावरच्या लताबाई ...

इमेज
 महाराष्ट्र टाइम्स, लोकसत्ता, सकाळ आणि लोकमत यांनी लता मंगेशकर यांच्या निधनाचे वृत्तांकन पहिल्या पानावर कसे केले हे इथे मुद्दाम शेअर करत आहे. सर्वानी पूर्ण अंकात भरपूर मजकूर दिला आहे. सर्वच अंक वेगवेगळ्या अर्थाने संग्रही  ठेवण्यासारखे झाले आहेत. 'मटा'च्या पहिल्या पानावर रोहन पोरे या अत्यंत गुणी माणसाने काढलेले लतादीदींच्या चित्र लक्ष वेधूनच घेते असे नाही, तर कायम स्मरणात राहते. 'सकाळ'मध्ये राम देशमुख यांनी लताबाईंचे चित्र काढले आहे.  (07/02/2022)
अधिक वाचा