अनेक मेल पाठवा एकाच मेलमध्ये !

 आपला जीमेलचा इनबॉक्स भरत आला की 'वजनदार' मेल delete करणे अथवा फॉरवर्ड करणे हा एक मार्ग असतोच. वजनदार मेल कसे शोधायचे ते मी आधी सांगितले आहेच. (https://ashokpanvalkar.com/nb-110622/) हे वजनदार मेल अथवा अन्य महत्वाचे मेल एकेक करून फॉरवर्ड करत बसण्यात वेळ फार जातो. समजा तुम्हाला जीमेलमधले दहा मेल फॉरवर्ड करायचे आहेत. दहा वेळा मेल फॉरवर्ड करायची गरज नाही. जे मेल पाठवायचे आहेत ते सिलेक्ट करा (उघडू नका). उभ्या तीन ठिपक्यांच्या दांडीवर क्लिक करा.

त्यात तळाला Forward As Attachment असा पर्याय दिसेल तो सिलेक्ट करा. मेल कोणाला पाठवायचे आहेत त्याचा पत्ता टाका आणि पाठवून द्या. एकाच मेलमध्ये हे दहा मेल त्याला मिळतील. त्याला जेव्हा हे मेल पाहायचे असतील तेव्हा त्याने त्या मेलच्या attachment वर क्लिक केले की तो मेल डेस्कटॉपवर Download होईल. मग त्यावर क्लिक केले की ओपन होईल.

ही सोय आणखी एका बाबतीत उपयोगी पडते. तुम्ही कार्यालयीन काम करताना समजा एका व्यक्तीशी मेलद्वारे बोलत आहात. म्हणजे तुमच्या मेलवर त्याचा रिप्लाय, परत तुमचा रिप्लाय वगैरे. त्याच विषयातले मेल तुम्ही आधी इतरांना पाठवले असतील तर ते वर दिलेल्या पद्धतीने attach करून पाठवता येतील. प्रत्येक मेल फॉरवर्ड करत बसण्याची गरज नाही.

हे करून बघा.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ऐतिहासिक निकाल

इमेज
  अखेर पाच राज्यांच्या विधानसभा निवडणुकीचे निकाल लागले. उत्तर प्रदेश, पंजाब, मणिपूर, उत्तराखंड, गोवा या राज्यांच्या निवडणुकांकडे २०२४च्या लोकसभा निवडणुकीची रंगीत तालीम म्हणून पाहिले जात होते. यात पंजाब सोडून बाकी सर्व राज्ये भारतीय जनता पक्षाने जिंकली आहेत. अजून अंतिम आकडेवारी आली नसली तरी उत्तर प्रदेशात  भाजपने जवळपास ५० जागा  गमावल्या आहेत. पंजाबमध्ये भाजपला आधी तीनच जागा होत्या, त्यातली एक कमी झाली आहे. शेतकरी आंदोलनामुळे पंजाबमध्ये भाजपला यश मिळणे मुळातच कठीण हते. पंतप्रधानांनी पंजाबची निवडणूक डोळ्यासमोर ठेवून शेतकऱ्यांनी आक्षेप घेतलेले वादग्रस्त कायदे मागे घेतले खरे, परंतु त्याचा काहीही फायदा भाजपाला  झालेला नाही. गोव्यात मात्र सात जास्त जागा मिळवून भाजप सत्तेच्या जवळ आले आहे.     उत्तर प्रदेशातला विजय भाजपसाठी स्वागतार्ह असला तरी २०१७चे चित्र बदलले आहे, अखिलेश सिंग यांनी सव्वाशेच्या आसपास जागा मिळवल्या आहेत, बहुजन समाज पक्ष आणि काँग्रेस हे पक्ष नावालाच उरले आहेत. ही बदलती परिस्थिती भाजपने लक्षात घ्यायला हवी आणि आधीच्या चुका टाळायला हव्यात. १९८५ नंतर प...
अधिक वाचा

आरोग्य अधिक जपायला हवे !

इमेज
  को णत्याही अर्थसंकल्पाने प्रत्येकाचे समाधान होणे अशक्य असते हे एकदा समजून घेतले की राज्याच्या आणि देशाच्या अर्थसंकल्पाकडे पाहणे सोपे जाते. अर्थसंकल्प तयार करताना अर्थमंत्री / मुख्यमंत्र्याना पूर्ण राज्याचा विचार करावा लागतो. म्हणूनच प्रत्येक घटकाकडे पुरेसे लक्ष देणे शक्य नसते. असे असले तरी काही बाबी खटकतातच. शुक्रवारी महाराष्ट्राचे अर्थमंत्री अजितदादा पवार यांनी राज्याचा अर्थसंकल्प सादर केला. त्यानंतर आलेल्या प्रतिक्रियाही अशाच प्रकारच्या होत्या. अर्थसंकल्पात कायकाय योजना आहेत, त्यासाठी किती खर्च होणार आहे हे अर्थमंत्र्यांनी सांगितले असले तरी आधीच्या योजनांवरील अंमलबजावणी आणि झालेला कमी /जास्त खर्च याचाही आढावा सविस्तरपणे हवा होता. [caption id="attachment_3432" align="alignright" width="1448"] चित्र - सुमंत बिवलकर[/caption] ज्या विभागाबाबत अधिक चर्चा व्हायला हवी, तो विभाग म्हणजे आरोग्य विभाग. कोरोना आल्यावर आपल्या वैद्यकीय क्षेत्रातील त्रुटी अधिक ठळकपणे दिसल्या. प्रमुख शहरांमधील निवडक खासगी आणि सरकारी रुग्णालये कोरोनाशी दोन हात करण्यासाठी काहीशी सज्ज हो...
अधिक वाचा

पहिल्या पानावरच्या लताबाई ...

इमेज
 महाराष्ट्र टाइम्स, लोकसत्ता, सकाळ आणि लोकमत यांनी लता मंगेशकर यांच्या निधनाचे वृत्तांकन पहिल्या पानावर कसे केले हे इथे मुद्दाम शेअर करत आहे. सर्वानी पूर्ण अंकात भरपूर मजकूर दिला आहे. सर्वच अंक वेगवेगळ्या अर्थाने संग्रही  ठेवण्यासारखे झाले आहेत. 'मटा'च्या पहिल्या पानावर रोहन पोरे या अत्यंत गुणी माणसाने काढलेले लतादीदींच्या चित्र लक्ष वेधूनच घेते असे नाही, तर कायम स्मरणात राहते. 'सकाळ'मध्ये राम देशमुख यांनी लताबाईंचे चित्र काढले आहे.  (07/02/2022)
अधिक वाचा