नेटभेट

 गूगल स्टेडिया २०१९ मध्ये सुरु झाले तेव्हा लोकांनी हे 'व्हिडिओ गेम्सचे नेटफ्लिक्स' आहे अशी प्रशंसा केली होती. परंतु गुगलला अपेक्षित असा प्रतिसाद न मिळाल्याने स्टेडिया १८ जानेवारी २०२३ रोजी आपला कायमचा निरोप घेणार आहे. स्टेडियाचे उपाध्यक्ष फिल हॅरिसन यांनी आज तशी घोषणा केली आहे. जगभरात विविध माध्यमांवर व्हिडिओ गेम्स खेळणाऱ्यांचे प्रमाण प्रचंड आहे. त्यामुळे स्टेडियाही उत्तम प्रतिसाद मिळेल असे गुगलला वाटणे स्वाभाविक होते. तसे झाले नाही. गूगलचे Chromecast streaming device वापरून वेगवेगळी गॅजेट्स, मोबाईल फोन , वेब ब्राउजर्स यामार्फत लोक स्टेडियावर गेम्स खेळत होते. २०२१ मध्ये आपण स्टेडियासाठी नवीन गेम्स तयार करणे थांबवत असल्याचे गुगलने जाहीर केले होते. तेव्हाच स्टेडियाचे भविष्य फार चांगले नाही, हे लक्षात आले होते. लोकांनी गूगल स्टोअरवरून खरेदी केलेली स्टेडिया उपकरणे, सॉफ्टवेअर, आणि इतर खर्च गूगल परत करणार आहे. अर्थात स्टेडिया बंद होणार असले तरी गेमिंग या विषयातून गूगल बाहेर पडणार नाही. स्टेडियामध्ये वापरलेले सॉफ्टवेअर ते इतर ठिकाणी वापरणार आहेत. कोव्हिड -१९ मुळे बदललेली आर्थिक परिस्थ...

 आज माणसाच्या गरजा पाचच. अन्न, वस्त्र, निवारा, नोकरी आणि Whatsapp . यातला विनोद सोडून द्या, पण आज परस्पर संवादाचे प्रमुख साधन म्हणून Whatsapp कडे पाहिले जाते ही वस्तुस्थिती आहे. या Whatsapp मध्ये आजपासून टप्प्याटप्याने दोन महत्वाच्या सुविधा मिळणार आहेत. आपण गूगल मीट किंवा झूम वर कॉल करताना त्याची लिंक शेअर करू शकतो, तशीच लिंक आपण आता Whatsapp कॉलचीही करू शकणार आहोत. ती लिंक आपण ज्यांना पाठवू तेही कॉलमध्ये सहभागी होऊ शकणार आहेत. दुसरी सुविधा आहे Whatsapp ग्रुप कॉलची. अशा ग्रुप कॉल मध्ये आतापर्यंत एकावेळी फक्त आठ जणांना सहभागी होता येत होते. Whatsapp ने हा आकडा चौपटीने वाढवला आहे. म्हणजेच आता आठऐवजी ३२ लोक कॉलमध्ये सहभागी होऊ शकतात. या दोन्ही सुविधांसाठी ज्यांनी Whatsapp अँप Update केले आहे असेच लोक सहभागी होऊ शकतात. त्यामुळे आजपासून येणारे update प्रत्येकाने डाउनलोड करणे आवश्यक आहे. असे केल्याने आणखी सुविधा मिळतील. असा एखादा ग्रुप कॉल कोणी बुक केला असेल आणि त्यावेळी लगेच जॉईन होणे तुम्हाला शक्य नसेल तर आधी मिळालेली लिंक वापरून तुम्ही मध्ये कधीही जॉईन होऊ शकता. अर्थात त्याआधी कॉल संप...

  काही वर्षापर्यंत लोकप्रिय असणारे फेसबुक सोडून आता तरुण पिढी इंस्टाग्राम आणि स्नॅपचॅटकडे वळली आहे. आणखीही बरेच पर्याय त्यांना उपलब्ध आहेत. ही तरुणाई आपल्याकडे टिकावी म्हणून इंस्टाग्रामही आपल्या सेवेत सतत सुधारणा करत असते. इथे पोस्ट करताना Post , story , Reel  आणि Live असे पर्याय दिसतात. सामान्यपणे पोस्टचा पर्याय निवडला जात असला तरी बाकी तीनही पर्याय लोकप्रिय आहेत. कारण या तीन पर्यायांमध्ये व्हिडिओवर भर दिला जातो. काही काळापूर्वी इंस्टाग्रामने ९० सेकंदापर्यंतचे   Reel शेअर करायला परवानगी दिली होती. आता स्टोरी ६० सेकंदापर्यंत सलग बघता येईल अशी सोय केली आहे.   ही सोय सर्वाना उपलब्ध करून देण्यात आली आहे.  सध्या, जर एखाद्या इन्स्टाग्राम वापरकर्त्याने ६०  सेकंदांपेक्षा कमी वेळची स्टोरी अपलोड केली तर ती १५  सेकंदाच्या क्लिपमध्ये विभागली जाते. आता, त्याचे 'तुकडे' पडणार नाहीत आणि सलग ६० सेकंद आपण सलग बघू शकू. आधी १५ सेकंद झाल्यावर पुढची स्टोरी पाहण्यासाठी पुन्हा टॅप करायला लागायचे. हा त्रास टळेल.   वापरकर्त्यांना व्हिडिओ शेअर करण्यासाठी आता दोन पर्य...